Khotbah Minggu: 28 Agustus 2022 Evangelium: Mateus 16:21 - 28 Epistel: Jeremia 2:4 - 13 S.Patik:2 Petrus 1: 4

 

“MANSOADAHON DIRI, MAMORSAN SILANG JALA MANGIHUTHON JESUS”

MENYANGKAL DIRI MEMIKUL SALIB DAN MENGIKUT YESUS

Patujolo

Mangihuthon ojahan ni turpuk ni jamita on Mansoadahon Diri, Mamorsan Silang Jala Mangihuthon Jesus, jolma na setia na mangihuthon Jesus, mansoadahon diri jala mamorsan Silang sahat tu ujung ni ngoluna nunga godang ta bereng. Angka aha mai? Halak na setia ndang olo ibana maninggalhon Jesus nata pe godang angka cara dibahen tu ibana asa ditinggalhon Jesus i, isarana alani jabatan, parkarejoan dohot lan naasing, jala baliksa godang do tongtong na maninggalhon Jesus tong do alani jabatan, parkarejoan dohot angka lan naasing.

Mangalului halak na malo dohot na pistar di partingkian on pintor hatop do dapot alai mangalului halak na setia/manontong mansai maol situtu.  Sialani i ma di turpuk nanaeng ta parsiajari  di tingki on dipabotohon Jesus boha do sasintongna na jolma na mansoadahon diri mamorsan silang jala mangihuthon  Jesus.

Hatorangan

Hatiha Jesus manjou angka siseanNa, didok do” Ihuthon ma Ahu”. Sisean ni Jesus na manontong/setia ima na olo mangihuthon Ibana laho ma patolhashon parsuru ni Jesus sahat tu hamauliaonNa i, jala ingkon torus ihuthononna Jesus i, jala ngoluna ndang na gabe mangatur Jesus mangulahon on manang an, songon na ni ulahon ni si Petrus na lupa ibana ise do Jesus i. Sisean ni Jesus ingkon mangihuthon Jesus tudia pe Ibana lao songon birubiru na mangihuthon parmahan, songon anak somang na mangihuthon tuanna, songon soldadu namangihuthon komandanna. Tujuana ingkon sarupa dohot tu tujuan ni Jesus na mamboan tu hamualiaon jala  hasonangan ima surgo. Dalanna nidalanan ni na manontong/setia i ingkon sarupa songon dalan na nidalanan ni Jesus na ni uluhon ni Tondi Porbadia, unduk tu hatani  Jesus jala diihuthon nasida do Birubirui manang tudia pe i laho (Pgk.14:4).  

Angka aha ma na gabe syarat napinatupa ni Jesus tu angka na olo gabe siseanNa na manontong? “nasa na giot mangihuthon Ahu,manang hata Gorik ei tis thelei marlapatan: molo adong na olo ro. Mangihuthon hata on adong sipilliton na ni sengaja. Adong las ni roha jala haputusan sian roha dina mamillit sipilliton i. Godang halak na gabe sisean ni Jesus ala ni kebetulan manang alani dijujui halak, ndang sian roha sandiri. Alai Jesus manghalomohon angka sisean na ro i sian roha na ungkap (Ps. 110:3). Sian pandohan on hira adong hata ni Jesus songon on: molo adong  sian angka sisean on naso siseanHu asa totophon ma roham asa unduk tu hataHu, ndang tu na asing. Ingkon ihuthonon mu Ahu dia pe na masa.  Alani i ma ingkon rimanganmu jala hundul ma jo ho mangetong argana, etongma marhite persayaratan nai, jala aha do persyaratanna i?

1. Ingkon mansoadahon diri.

Andorang Petrus paingothon Jesus asa mampahaseang hosaNa, Jesus pabotohon tu nasida asa mansoadahon diri jala angka sisean i ingkon manghihuthon Ibana, ala hatutubuNa, ngoluNa, dohot hamamateNa, sudena i diulahon Jesus ala disoadahon do diriNa, natorus na somarnamontok (Plp.2:7-8). Mansoadahon diri sada parsiajaran na mansai maol, jala maralo tu daging dohot mudar. Alai ulaon mansoadahon diri on nunga di ulahon Gurui ima Jesus i, laho manobus hita sian hamatean. Sude sisean ni Jesus ingkon mansoadahon dirina sandiri on ma sada dasar laho margabung tu parsikolaan ni Jesus. parsiajaran na parjolo jala na umbalga diparsiajari di sikkola  ni Jesus ima mansoadahon diri.  Aturan jala parsaiajaran on ima pintu na ponjot jala sompit.

2. Diporsan ma silang na tu ibana

Na nimaksudna  silang dison ima sude angka hamaolonta, angka nataadopi selaku jolma biasa hita diportibion  jala na mangihuthon Jesus. sude angka hamaolon na ro, angka uhum na so tingkos alani namangulahon na tingkos  manang  naso mangulahon na jahat. Sude hamaolon na ta alami selaku halak Kristen patut do didok  silang, na paiingothon hita dihamamateNa di hau pinarsialng, na di adopi Jesus alani haunduhonNa. SilangNa na nialaman ni Jesus i ingkon sadar do hitape sarupa do dohot  Ibana, hita pe ingkon manean hasusaan alana nunga jumolo Jesus manean. 

Angka sisean ni Jesus adong do silangna sandiri jala ingkon sadar do hita disi jala rade. Alana ganup halak adong tugas khusus na ingkon ulahononna, jala  aturan na taingot ima unang tatinggalhon kewajibanta, ingkon taporsan do silang i, jala unang ta pamago, unang ta lohai silangi. Alai taporsan ma silang i ta kelola ma angka hamaolon i asa unang gabe batu partuktukan tu dongan dina manghobasi Tuhan i.

Dina mamorsan silang i halak Kristen ingkon do mamereng tu Jesus jala mangido dalan dohot dorongan semangat sian Ibana hatiha ro hamaolon i  jala ingkon manontong do di Jesus.

3. Debata do silehon hosa hangoluan

Halak Kristen na maninggalhon Jesus dina laho mempertahankan ngoluna di portibion, mardosa do Ibana disi, jala ingkon agoan hosa do ibana sialani i. Alai ise na martahan sahat tu ujung ni ngoluna, jala alani goar ni Jesus i dipaporsukporsuk ngoluna jala dipamate alani namampartahanton Jesus i ido na dapot hangoluan sogot. Pamatang boi do dipamate alai tondi haporseaonna ndang boi dipamate, alai di ujungna sogot lehonon ni Tuhan i do hangoluan i tu na porseai.

4. Unang arta i mangarajai ngolum

Halak Kristen boi do mamora jala ndang sala i, alai unangma hamoraon i nagabe mangarajai ngolunta, ingkon hita do namangarajai arta i, jala tuahama artai dipapungupungu molo mago do ngolunta. Aha na taula di portibion tabahen mai laho mamuji jala pasangap Tuhan i, ndang boi hepang/ arta i manuhor harajaon ni Tuhan ima surgo i. alai pangalaho na biar mida Jahowa do marhite arta na adong dihita i ma tabahen laho pasangaphon Tuhan Jesus i.

5. Ro Jesus laho manguhum jolma tiru tu pangalahona

Jesus ro marhite mamuliaonNa laho manguhum jolma  tiru tu pangalahona, molo pangalahona tingkos diadopan ni Debata surgoma upana, alai molo so tingkos do pangalahona tu api ma ibana didanggourhon.  Jadi hasatiaan ni jolmai di etong ma diari i, jala dimasa i adong do naso mengalami hamatean.

Panimpuli

Ngolunta diportibion laho pasomalsomal hita asa lam satia hita mangihuthon Jesus i, sahat tu dia do haporseaonta laho mangihuthon Jesus i.  Mansoadahon diri, mamorsan silang jala mangihuthon Jesus sada bentuk  hasatiaanta  ma nian i na boi mambahen dongan gabe porsea, jala maniru hahasatiaon na niulahon Jesus i asa lam tu godangna halak na satia di Tuhan i. Sisean ni Jesus ingkon siap manang rade do hita mangadopi tantangan ima bisuk ni portibion na menghalalkan segala cara asa identitas Kristen ta i gabe mago.  Jadi hita ikkon maniru Tuhan Jesus na barani mansoadahon diriNa ala hasintongan  do diula asa dapot upa hita ima surgo naung dibagabagahonNa tu hita, Amen.         Ditulis Oleh Pdt. B.F. Siahaan, S.Th - Panres HKI Resort Tapian Nauli Daerah IV DAKOTA

MENDEKATLAH KEPADA TUHAN

RATAPAN 5:21
 Bawalah kami kembali kepadaMu, ya Tuhan, maka kami akan kembali, baharuilah hari-hari kami seperti dahulu kala!.

Doa ini berisikan pengakuan dan pertobatan yang sangat mendalam. Seyogianya bangsa Israel itu telah tertekan oleh beratnya pergumulan hidup yang dialami. Mereka memohon pemulihan agar hidup mereka kembali seperti sediakalanya. Mereka telah menyerah akan jauhnya diri dari Tuhan yang hanya membawa kegelisahan hidup. Mereka memohon agar kembali dekat kepada Tuhan bahkan agar dibaharui. Perkataan “bawalah kami kembali kepadaMu” adalah kejujuran bahwa jauh dari Tuhan ternyata hanya akan menyengsarakan mereka saja. Sebaliknya dekat kepada Tuhan  membawa mereka pada kedamaian hati. Mendekatlah kepada Tuhan, disana akan terdapat kedamaian.